समाचार

धरान उपमहानगरपालिकाको मेयरमा नेकपाको गढ इलाका तोड्दै नेपाली कांग्रेसका तिलक राई निर्वाचित भएका छन् ।

उनले नेपाल कम्युनिस्ट पार्टी (नेकपा)का प्रकाश राईलाई २ हजार ७९५ मतान्तरले पराजित पर्दै आफ्नो जित दर्ता गर्न सफल भएका हुन् । तिलकले २६ हजार ७०९ मत पाएका छन् । प्रकाशले भने २३ हजार ९१४ मत पाए । धरानमा कांग्रेसको यो बहुदलपछि पहिलो जित हो ।

कास्की २ बाट प्रतिनिधिसभा सदस्यकालागी भएको निर्वाचनमा नेकपकी विद्या भट्टराई निर्वाचित हुनुभएको छ ।

सत्तारुढ नेपाल कम्युनिस्ट पार्टी (नेकपा) की उम्मेदवार भट्टराईले ८ हजार ४०३ मतान्तरले कांग्रेस उमेद्वारलाई पछी पर्दै चुनाव जितेकी हुन् । उनले २४ हजार ३ सय ९४ मत पाउँदा निकटतम प्रतिद्वन्द्वी नेपाली कांग्रेसका खेमराज पौडेलले १५ हजार ९९१ मत पाएका छन् ।