प्रकाश भुजेलले चलाएको गाडीले ठक्कर दिँदा दुई घाइते, अवस्था गम्भीर

२८ कार्तिक काठमाडौँ : झाक्री प्रकाश भुजेल सवार गाडी (ल्याण्ड क्रुजर) ले मोटरसाइकललाई ठक्कर दिँदा दुई जना घाइते भएका छन् । बा १९ च २६९५ नम्बरको भुजेलेको गाडीले ब्रम्हखेल पुलनजिक मोटरसाइकललाई बुधबार दिउँसो ठक्कर दिँदा मोटरसाइकलमा सवार दुई जना घाइते भएको बौद्ध प्रहरीले जनाएको छ ।

घाइतेहरुलाई उपचारका लागि शंकरापुर अस्पतालमा लगिएको थियो। त्यहाँबाट ग्राण्डी अस्पतालमा रिफर गरिएको छ। उनीहरुको पहिचान खुलिनसकेको प्रहरीले जनाएको छ । ‘चालक फरार भएको अवस्था छ, थप अनुसन्धान भइरहेको छ’,जिल्ला प्रहरी परिसर काठमाडौँका एक प्रहरी अधिकृतले बताए ।

प्रहरीका अनुसार प्रकाश भुजेल नामका सवारी चालक फरार छन्। अहिले उनको खोजी भइरहेको छ।