समाचार

हालै सम्पन्न उपुचनावमा प्रतिनिधिसभाको सिटका लागि कास्की २ मा भएको एकमात्र निर्वाचनमा नेकपाकी उम्मेदवार विद्या भट्टराईको जित निश्चित भएको छ ।

विद्या भट्टराईको जित निश्चित भए संगै नेपाली कांग्रेसका उम्मेदवार खेमराज पौडेलले भट्टराईलाइ बधाई दिएका छन् । कास्की-२ मा विद्याको जित निश्चित भएपछि पौडेलले बधाई दिएका हुन् ।

प्रदेशसभा सदस्यअन्तर्गत भक्तपुर क्षेत्रनम्बर १ (क)मा नेपाली कांग्रेसले जित दर्ता गरेको छ ।

कांग्रेस उम्मेदवार कृष्णलाल भडेलले १० हजार ३ सय ९५ मत पाएर बिजयी भएका हुन् भने उनका निकटतम प्रतिद्वन्दी नेकपाका उम्मेदवार डीपी ढकालले ७ हजार ९ सय ५९ मत पाएका छन् ।

प्रतिनिधि सभा सदस्यका लागि भएको कास्की-२ को मतगणनाको प्रारम्भिक गणनामा अग्रता लिएकी नेकपा उम्मेदवार विद्या भट्टराईले आफ्नो अग्रता फराकिलो गर्दै लगेकी छन् । उनि अहिले ४ हजार ५ सय ८३ मतले आफ्ना निकटतम प्रतिद्वन्दी नेपाली कांग्रेसका उम्मेदवार भन्दा अगाडी छन ।

धरान उपमहानगरपालिकाको मेयरका लागि भएको उपनिर्वाचनको मतगणनाका क्रममा नेकपा र नेपाली कांग्रेस बीच कडा टक्कर सुरु भएको छ ।

यहाँ नेकपा उम्मेदवारले कांग्रेस उम्मेदवारलाई भिनो मतले मात्र पछि पारेका छन्। अहिले सम्म धरान उपमहानगरपालिकाको १८, १९ र २० वडाको मतगणना सकिँदा नेकपाका उम्मेदवार प्रकाश राईले २३०९ मत हासिल गरेका छन् । उनलाई कांग्रेस उम्मेदवार तिलक राईले कडा टक्कर दिदै मात्र १७ मत कम अर्थात २२९२ मत पाएका छन् ।