राजनिती

प्रतिनिधि सभा सदस्यका लागि भएको कास्की-२ को मतगणनाको प्रारम्भिक गणनामा अग्रता लिएकी नेकपा उम्मेदवार विद्या भट्टराईले आफ्नो अग्रता फराकिलो गर्दै लगेकी छन् । उनि अहिले ४ हजार ५ सय ८३ मतले आफ्ना निकटतम प्रतिद्वन्दी नेपाली कांग्रेसका उम्मेदवार भन्दा अगाडी छन ।

धरान उपमहानगरपालिकाको मेयरका लागि भएको उपनिर्वाचनको मतगणनाका क्रममा नेकपा र नेपाली कांग्रेस बीच कडा टक्कर सुरु भएको छ ।

यहाँ नेकपा उम्मेदवारले कांग्रेस उम्मेदवारलाई भिनो मतले मात्र पछि पारेका छन्। अहिले सम्म धरान उपमहानगरपालिकाको १८, १९ र २० वडाको मतगणना सकिँदा नेकपाका उम्मेदवार प्रकाश राईले २३०९ मत हासिल गरेका छन् । उनलाई कांग्रेस उम्मेदवार तिलक राईले कडा टक्कर दिदै मात्र १७ मत कम अर्थात २२९२ मत पाएका छन् ।

मङ्सिर १४ गते सम्पन्न उपनिर्वाचन अन्तर्गत नेकपाको गढ मानिएको प्रचण्डको गृह जिल्ला चितवनका तीनवटा वडामा भएको निर्वाचनमा नेकपाका सबै उम्मेदवारहरुले पराजय भोगेका छन् । यसअघि एमाले एक्लैले जितेका वडामा समेत माओवादी र एमाले एक हुँदा समेत कांग्रेसले उछिनेको हो ।

हालै सम्पन्न उपचुनाव अन्तर्गत गुल्मीको रुरुक्षेत्र गाउँपालिकाको वडा नम्बर ६ रिमुवाको वडा अध्यक्षमा नेकपाका उमेद्वार गिरिप्रसाद सिंजाली बिजयी भएका छन् । सिंजालीले ८०२ मत ल्याएर विजयी भएका छन् भने उनका निकटतम प्रतिद्वन्दी नेपाली कांग्रेसका उम्मेदवार बेदप्रसाद दर्लामीले ७२७ मत प्राप्त गरेका थिए ।

मङ्सिर १४ गते भएको उपचुनाव अन्तर्गतको अर्खाखाँची र दाङमा भएको वडाअध्यक्ष पदको निर्वाचनमा कांग्रेसले नेकपलाई हराउदै बिजयी सुरुवात गरेको छ । अघिल्लो चुनावमा नेकपाले जितेका यी स्थानमा यसपटक कांग्रेसले बाजी मारेको हो ।

काभ्रेको धुलिखेल नगरपालिका वडा नम्बर २ र लमजुङको सुन्दरबजार नगरपालिका २ को वडाध्यक्षमा नेपाल कम्युनिस्ट पार्टी (नेकपा)ले जित दर्ता गर्न सगल भएको छ ।

शनिबार भएको उपचुनावमा काभ्रेको धुलिखेल नगरपालिका वडा नम्बर २ का देव कोइरालाले ८६७ मत पाए । उनको निकतम प्रतिद्वन्द्वी कांग्रेसका दणबहादुर खत्रीले ५८२ मत पाए । राष्ट्रिय जनता पार्टीले ३२ मत पाउँदा राप्रपा संयुक्तले ६ मत पाएको छ । ३२ मत बदर भएको छ ।

मङ्सिर १४ गते सम्पन्न उपचुनाव को नतिजा आउन सुरु भए लगत्तै नेकपाको बिजयी सुरुवात भएको छ। कञ्चनपुरको पुनर्वास नगरपालिका वडा नम्बर ३ को वडाध्यक्षमा कृष्णबहादुर तामाङ विजयी सुरुवात गरेको नेकपाले अर्का एक स्थान पनि जित हासिल गरेको छ। रोल्पाको थवाङ गाउँपालिकाको वडा नम्बर १ को वडाध्यक्ष चयनका लागि भएको निर्वाचनमा पनि सत्तारुढ नेपाल कम्युनिस्ट पार्टी (नेकपा) विजयी भएको छ । यसअघि यो वडामा नेत्रविक्रम चन्द समर्थित स्वतन्त्र उम्मेद्वारले जितेका थिए ।

आज सम्पन भएको उपनिर्वाचन अन्तर्गतको मतगणनाको नतिजा अनुसार कञ्चनपुरको पुनर्वास नगरपालिका वडा नम्बर ३ को वडाध्यक्षमा कृष्णबहादुर तामाङ विजयी भएका छन् । नेपाल कम्युनिस्ट पार्टी (नेकपा)का उम्मेदवार तामाङले ५२८ मत पाएर बिजयी भएका हुन् ।