मास्क नलगाइ घरबाहिर निस्किए प्रहरीको फन्दामा परिएला
मास्क नलगाइ घरबाहिर निस्किए प्रहरीको फन्दामा परिएला
२२ असार २०७७ काठमाडौं : यदि तपाइँ नेपालमा हुनुन्छ र मास्क नलगाई घरबाहिर निस्कदै हुनुन्छ भने होस् गर्नुहोस ! प्रहरीले तपाईलाई पक्राउ गरेर कारवाही गर्न सक्छ।
गृह मन्त्रालयले मास्क नलगाई घर बाहिर निस्कनेलाई पक्राउ गर्न प्रहरी प्रधान कार्यालयलाई निर्देशन दिएसंगै प्रहरीले अब मास्क बिना घर बाहिर निस्कनेलाइ कारवाही गर्ने प्रक्रिया अघि बढाएको हो ।
अब मास्क नलगाई घरबाहिर निस्कनेलाई पक्राउ गरी संक्रामक रोग ऐन २०२० अनुसार कारबाही गर्ने गृह मन्त्रालयका सूचना अधिकारी उमाकान्त अधिकारीले जानकारी दिए ।
कोरोना संक्रमणको खतरा अहिले पनि रहेको र हाल लकडाउन पूर्ण रुपमा नखुली व्यवस्थित मात्र गरिएको सरकारको भनाइ छ । जरुरी कामबाहेक घरबाहिर ननिस्कने, निस्कँदा अनिवार्य मास्क लगाउने, एकअर्काबीच कम्तीमा २ मिटरको सामाजिक दूरी कायम गर्नुपर्ने सरकारले बताएको छ ।
लकडाउनका कडाइ नहुँदा कोरोना महामारी नियन्त्रणमा समस्या हुन सक्ने भएकाले यस्तो निर्देशन दिएको अधिकारीले बताए ।
