रुकुम घटनाको बिषयमा आफ्नो भनाइ तोडमतोड गरेर राजनीतिकरण गरिएको जनार्दन शर्माको आरोप
रुकुम घटनाको बिषयमा आफ्नो भनाइ तोडमतोड गरेर राजनीतिकरण गरिएको जनार्दन शर्माको आरोप
१४ जेठ २०७७ काठमाडौं : मंगलबार संसदमा भएको रुकुम घटनाका बिषयमा बोलेका नेकपा नेता जनार्दन शर्माले चौरजहारी घटनाबारे आफूले राखेको भनाइलाई गलत ढंगले व्याख्या गरिएको गुनासो गरेका छन् ।
रुकुम पश्चिमका जनप्रतिनिधिसमेत रहेका शर्माले संसदमा बोलेका विषयलाई बंग्याएर गलत रूपमा व्याख्या गरिएको बताए ।
‘संसदमा मैले बोलेको स्पष्ट भनाइ हुँदाहुँदै तोडमोड गरी राजनीतिकरण गर्ने प्रयास भएको छ,’ शर्माले बुधबार एक विज्ञप्ति जारी गर्दै भनेका छन् ।
चौरजहारी प्रकरण मानव सभ्यताको खिल्ली उडाउने घटना भएकाले त्यसमाथि निष्पक्ष छानबिन गर्न पनि शर्माले माग गरेका छन् । उनले छानबिनमा सघाउने प्रतिबद्धता पनि दोहोर्याएका छन् ।
पश्चिम रुकुमको चौरजहारीमा जेठ १० मा विवाहका लागि गएका जाजरकोटका नवराज विश्वकर्मा, टीकाराम सुनार, गणेश बुढा, लोकेन्द्र सुुनारको हत्या भएको थियो । उनीहरूसँगै गएकामध्ये दुई अझै बेपत्ता छन् ।
यस्तो छ संसदमा जनार्दन शर्माले बोलेको बिबादित भिडियो
रुकुम घटनाको बिषयमा आफ्नो भनाइ तोडमतोड गरेर राजनीतिकरण गरिएको भन्दै जनार्दन शर्माले प्रेसित गरेको प्रेस बिज्ञप्ति
