नेपाल टेलिकमले ल्यायो जिरो ब्यालेन्समा कल

नेपाल टेलिकमले ल्यायो जिरो ब्यालेन्समा कल

८ बैशाख २०७७ काठमाडौँ : नेपाल टेलिकमले प्रिपेड मोबाइल प्रयोगकर्ताहरुलाई लकडाउनको अवस्थामा अत्यावश्यक दुरसञ्चार सेवा उपलब्ध गराउने हेतुले जिरो ब्यालेन्स प्याकेजको योजना ल्याएको छ ।

यस योजना अन्तर्गत लकडाउन सुरु भएको मितिबाट ७ दिन सम्म अर्थात सन् २०२० मार्च २४ देखि ३१ (बि. सं. २०७६ चैत्र ११ देखि १८) सम्म कम्तिमा १ कल गरेका र मिति २०७७ बैशाख ८ गते मध्यरातमा ३३ पैसाभन्दा कम व्यालेन्स भएका मोबाइल नम्बरहरूमा उक्त प्याकेजसम्बन्धी सुचना एसएमएसबाट पठाइनेछ । सो एसएमएस प्राप्त भएको डुई दिनभित्र सम्बन्धित मोबाइल प्रयोगकर्ताले उक्त एसएमएसमा उल्लेख गरिए अनुसार एसएमएसबाटै जवाफ फर्काउनु पर्नेछ । सम्बन्धित प्रयोगकर्ताले यसरी जवाफ फर्काएपछि कम्पनीले सो प्याकेज लागु गरी सोको जानकारी ग्राहकलाई पुनः एसएमएसबाट पठाउने बताएको छ ।

मापदण्ड अनुसार प्याकेज प्राप्त गर्न सक्ने प्रयोगकर्तालाई ७ दिन म्याद रहेको प्याकेज उपलब्ध
गराइनेछ । सो प्याकेज अन्तर्गत सेवाग्राहीले १०० एमबी डाटा चलाउने, ५० मिनेट भ्वाइस कल गर्ने (नेपाल टेलिकमको नेटवर्क भित्र) र २५ वटा एसएमएस पठाउने सुविधा (नेपाल टेलिकमको नेटवर्क भित्र) निःसुल्क प्राप्त गर्नेछन् ।

नेपाल टेलिकमले निर्धारण गरेको मापदण्ड बाहेकका नम्बरहरूमा सो प्याकेज उपलब्ध गराइने छैन । साथै, परिस्थिति र आवश्यकता अनुसार आगामी दिनहरूमा पनि कम्पनीले यस्ता योजनाहरु लागु गर्न सक्नेछ र सोको लागि मापदण्ड तयार गरी छनौट हुने नम्बरका ग्राहकलाई एसएमएस मार्फत नै जानकारी गराइनेछ ।

यसैगरी लकडाउन सुरु भएको मितिदेखि सुन्य व्यालेन्स भएका तर आगमन कल
निषेध नभएका (अर्थात २४ मार्च २०२० पछि सुन्य व्यालेन्स भई रिचार्ज नभएका) प्रिपेड
ग्राहकहरूले समेत प्याकेज प्रयोग गर्न तथा आगमन कल उठाउन सक्ने बनाउनको लागि आवश्यक
न्युनतम व्यालेन्स थप्नुका साथै उक्त नम्बरहरूको म्याद समेत ३० अप्रिल २०२० सम्म बढाउने
बताएको छ ।