Nepali Rashifal (Asoj 9/2018 September 25) ajako rashifal

Nepali Rashifal (Asoj 9/2018 September 25) ajako rashifal

वि.सं. २०७५ साल असोज ९ गते। मंगलबार। इश्वी सन् २०१८ सेप्टेम्बर २५ तारिख। नेपाल संवत् ११३८ ञलाथ्व। भाद्र शुक्लपक्ष। तिथि– पूर्णिमा, ७:४१ बजेउप्रान्त प्रतिपदा।

मेष – चु, चे, चो, ला, लि, लु, ले, लो, अ (Aries)

व्यावसायिक निर्यातमा लाभ मिल्नेछ। दृष्टि समस्या बढ्नेछ। मित्रसँग वैरभाव हुनेछ। शत्रुबाट प्रताडित हुनुपर्ला। यात्रा सफल हुनेछ। खर्च बढ्ने हुँदा धेरै रकम जोहो गर्नुपर्ला। नयाँ कुरा पाउन केही वस्तु त्याग्नुपर्ने हुन सक्छ। पछिका लागि लगानी गर्ने अवसर प्राप्त हुनेछ। सोखले खर्च बढाए पनि विलासी वस्तुहरू जुटाउने समय छ। तत्काल लाभ उठाउँदा पछि हुने फाइदा घट्न सक्छ। आफन्तबाट टाढिनुपरे पनि टाढाका साथीभाइसँग सम्पर्क बढ्नेछ। लामो यात्रा गर्ने अवसर जुट्न सक्छ।(बिश्वघटना)

बृष – इ, उ, ए, ओ, बा, बि, बु, बे, बो (Taurus)

अनुसन्धानमूलक कार्यमा रुचि बढ्नेछ। लेनदेनमा विवाद बढ्ने। रोजगारीमा द्विविधा उत्पन्न हुनेछ। पराक्रम बढ्नेछ। परिस्थितिवश आँटेका काममा विलम्ब हुन सक्छ। परिश्रम परे पनि कम प्रतिफलमा चित्त बुझाउनुपर्ने परिस्थिति रहला। आम्दानी भए पनि फजुल खर्च बढ्नाले अर्थ अभाव देखा पर्नेछ। खोजी गर्दा आम्दानीका नयाँ स्रोत फेला पर्नेछन्। तर आफ्नो मिहिनेतबाट अरूले फाइदा उठाउने कोसिस गर्लान्। आवश्यकता पूरा गर्न सरसापट लिनुपर्ने हुन सक्छ।(बिश्वघटना)

मिथुन – का, कि, कु, घ, ङ, छ, के, को, ह (Gemini)

अनुसन्धानमूलक कार्यमा रुचि बढ्नेछ। लेनदेनमा विवाद बढ्ने। रोजगारीमा द्विविधा उत्पन्न हुनेछ। पराक्रम बढ्नेछ। विभिन्न अवसरले पछ्याउनेछन् भने भविष्यका लागि दिगो फाइदा हुने काममा जग बसाउने मौका छ। पदासीन व्यक्तिको सहयोग जुट्नेछ भने प्रतिष्ठित काम गर्ने अवसर प्राप्त हुनेछ। कर्मयोगले जीवनशैलीमा परिवर्तन ल्याउनेछ। सामाजिक नेतृत्व हातलागी हुन सक्छ। व्यापारमा पनि राम्रै फाइदा हुनेछ। भोग–विलासमा मन जाने हुँदा फजुल खर्च बढ्न सक्छ।(बिश्वघटना)

कर्कट – हि, हु, हे, हो, डा, डि, डु, डे, डो (Cancer)

गलत निर्णयले सामाजिक सद्भाव विचलित हुनेछ। आयआर्जनमा अवरोध आउनेछ। शत्रुमाथि विजय प्राप्त हुनेछ। हर्ष बढ्नेछ। भाग्यले विभिन्न अवसर जुराउनेछ भने मिहिनेतले सफलताको उचाइमा पुर्याउनेछ। सानो प्रयत्नले सजिलै लक्ष्यमा पुग्न सकिनेछ। दिगो फाइदा हुने काममा जग बसाउने मौका छ। उपलब्धिको स्रोत प्राप्त हुनेछ भने प्रतीक्षित नतिजाले उत्साह जगाउनेछ। व्यवसायमा लाग्नेहरूलाई विशेष फाइदा हुनेछ। तारिफयोग्य काम गर्दै लोकप्रियता हासिल गर्न सकिनेछ।(बिश्वघटना)

सिंह – मा, मि, मु, मे, मो, टा, टि, टु, टे (Leo)

मित्रजनको सहयोग प्राप्त हुनेछ। कफसम्बन्धी समस्या बढ्नेछ। पढाइमा सुधार आउनेछ। शारीरिक चञ्चलता बढ्नेछ। प्रेम प्रसंग चल्नेछ। अस्वस्थता र आलस्यले शरीर कमजोर रहनेछ भने मनको इच्छाशक्ति कुण्ठित हुन सक्छ। आफ्ना कमजोरीबाट अरूले फाइदा उठाउनेछन्। चुनौतीको बन्धनले कर्मयोग प्रभावित हुनेछ। स्वास्थ्यका लागि व्यायाम तथा आहारविहारमा ध्यान पुर्याउनुहोला। नतिजा सच्याउन काम दोहोर्याउनुपर्ला। गोप्यता बाहिरिनाले सोचेको उपलब्धि प्राप्त नहुन सक्छ।(बिश्वघटना)

कन्या – टो, प, पि, पु, ष, ण, ठ, पे, पो (Virgo)

औद्योगिक कार्य निरन्तर हुनेछन्। व्यवसाय सामान्य रहनेछ। धार्मिक यात्राको अवसर मिल्नेछ। चोटपटक लाग्न सक्छ। प्रशंसा बढ्नेछ। विभिन्न अवसर प्राप्त भए पनि घुमफिर तथा मनोरञ्जनमा समय बित्नेछ। भेटघाटमा अलमलिनुपर्ला। शिष्टाचारका लागि दिन खर्चिलो बन्न सक्छ। तापनि मिहिनेत गर्दा महत्त्वाकांक्षी काम बन्नेछ। आम्दानी रोकिए पनि व्यापारमा फाइदै हुनेछ। व्यवसायले रमाइलो यात्रा गर्ने अवसर दिलाउन सक्छ। प्रियजनसँग भेटघाटका साथै आतिथ्यपूर्ण सम्मान प्राप्त हुनेछ।(बिश्वघटना)

तुला – र, रि, रु, रे, रो, ता, ति, तु, ते (Libra)

आम्दानीका स्रोत फेला पर्नेछन्। आपसी सदभाव बढ्नेछ। स्वास्थ्यमा समस्या देखापर्नेछ। सुख प्राप्त हुनेछ। आपसी सद्भाव बढ्नेछ। लगनशीलताले नयाँ स्थानका साथै काम गर्ने अवसरसमेत दिलाउनेछ। भौतिक साधन जुट्नाले दिन उत्साहजनक रहनेछ। शत्रुभाव राख्नेहरू स्वयं कमजोर हुनेछन्। बुद्धिको उपयोगले अधिकार र प्रतिष्ठा जोगाउन सफल भइनेछ। पछिका लागि लगानी गर्ने अवसर प्राप्त हुनेछ। लामो यात्राको प्रक्रिया अघि बढ्नेछ। मिहिनेतले प्रतिस्पर्धाको दौड जिताउन सक्छ।(बिश्वघटना)

बृश्चिक – तो, ना, नि, नु, ने, नो, या, यि, यु (Scorpio)

बाहन हानि हुन सक्छ। आध्यात्मिक शक्तिको विकास हुनेछ। मान्यजनको सहयोग प्राप्त हुनेछ। खर्चमा सुधार हुनेछ। इच्छाशक्ति बढ्नेछ। प्रयत्न गर्दा लक्ष्यअगावै काम सम्पादन हुनेछ। मिहिनेतले चिताएका काम सम्पादन हुनेछन्। अध्ययनको लगावले बौद्धिक क्षेत्र फराकिलो बन्नेछ। सहपाठीहरू पछि पर्नेछन्। प्रतिष्ठित काम सम्पादन गर्ने मौका प्राप्त हुनेछ। व्यापारमा धेरै फाइदा नभए पनि पशुपालन तथा कृषि क्षेत्रबाट राम्रो लाभ मिल्नेछ। सन्तान वा अनुयायीको साथले उत्साह जगाउनेछ।(बिश्वघटना)

धनु – ये, यो, भ, भि, भु, ध, फा, ढ, भे (Sagittarius)

नवीन सिद्धान्तको उदय हुनेछ। अध्यापनमा लगाव बढ्नेछ। मन प्रसन्न रहनेछ। शारीरिक आलस्य बढ्नेछ। मातृसुख मिल्नेछ। काममा चुनौती देखिए पनि घरमा लक्ष्मी भित्र्याउने समय छ। मेहनत गर्दा पछिसम्मलाई फाइदा हुनेछ। साझेदार तथा आफन्तजन सहयोगीका रूपमा देखा पर्नेछन्। रोकिएका काममा दोहोर्याएर प्रयत्न गर्दा लाभ हुनेछ। अरूको सुझावमा भर नपर्नुहोला। परिवारजनको सहयोग लिँदा राम्रो हुनेछ। तर महत्त्वाकांक्षी योजना तत्काल सार्वजनिक नगर्नुहोला।(बिश्वघटना)

मकर – भो, ज, जि, खि, खु, खे, खो, गा, गि (Capricorn)

बौद्धिक कार्यमा खर्च बढ्नेछ। प्रतिष्ठामा कमी आउनेछ। कुरा काट्नेहरू बढ्नेछन्। भाग्यशक्ति बलियो रहनेछ। नवीन कार्य हुनेछन्। कर्मयोगले लोकप्रियता दिलाउनेछ भने विशेष उपहार प्राप्त गर्ने समय छ सहयोगीहरूले राम्रो साथ दिनेछन्। रोकिएका काम बन्नुका साथै नयाँ काम प्रारम्भ हुनेछ। उद्योग र व्यापारमा फाइदा हुनेछ। प्रतिद्वन्द्वीहरू परास्त हुनेछन् भने छिटै प्रतिफल पाइनेछ। पुरुषार्थी कामले समाजमा स्थापित बनाउनेछ। चुनौती पन्छाएर कामको जग बसाउने मौका छ।(बिश्वघटना)

कुम्भ – गु, गे, गो, सा, सि, सु, से, सो, द (Aquarius)

सामाजिक समस्या बढ्नेछ। रोजगारीमा आक्षेप लाग्न सक्छ। स्वास्थ्य सामान्य रहनेछ। आकर्षण क्षमतामा कमी आउनेछ। स्नेह बढ्नेछ। हडबडी गर्दा काम बीचमा काम रोकिन सक्छ। बोलीको गलत अर्थ लाग्नाले वादविवादमा परिने सम्भावना छ। अध्ययनमा त्यति समय दिन नसकिएला। तर अप्ठ्यारा परिस्थितिसँग सम्झौता गर्नुपरे पनि बुद्धि लगाउँदा लक्ष्य पहिल्याउन सकिनेछ। सुरुमा चुनौती देखिए पनि पछि लाभ हुने काम गर्न सकिनेछ। अरूको मुख ताक्ने बानीले भने केही पछि परिएला।(बिश्वघटना)

मीन – दि, दु, थ, झ, ञ, दे, दो, च, चि (Pisces)

तार्किक क्षमताको विकास हुनेछ। महत्वपूर्ण जिम्मेवारी वहन गर्नुपर्नेछ। बोल्दा विचार पुर्‍याउनुहोला। बौद्धिकताको विकास हुनेछ। केही गुमाउनुपरे पनि लेनदेन, सरसापट र वादविवाद सुल्झाउने समय छ। शुभचिन्तकहरूको साथ जुट्नाले चिताएका काम सम्पादन हुनेछन्। व्यापारमा लाभ हुनेछ। बिछोडिएका आफन्तसँग भेटघाट हुनेछ। प्रक्रिया दोहोर्याउनुपरे पनि अन्तत: आफैंलाई फाइदा हुनेछ। आफ्ना कमजोरीमाथि टिप्पणी हुने समय भएकाले बोली-व्यवहारमा सजग रहनुपर्ला। (बिश्वघटना)

सोसियल मिडियामा सेयर गर्नुहोस !
Loading...