केराबारीको देवीझोड़ा स्थित घर-घरमा निर्मलीकरण अभियान सुरु

केराबारीको देवीझोड़ा स्थित घर-घरमा निर्मलीकरण अभियान सुरु

१४ भाद्र २०७७, काठमाडौँ : सत्तारुढ दल नेकपा निकट युवा संघ केराबारी गाउँपालिका कमिटीद्वारा आइतबार बिहान ७ बजे देखि निर्मलीकरण गरिएको छ ।समुदाय स्तरमा एक जना कोरोना संक्रमित भेटिए पछि केराबारीको वडा नम्बर ९ मा पर्ने देवीझोड़ा स्थित घर-घरमा निर्मलीकरण गरिएको हो ।

मोरंगको केराबारीमा तेश्रो चरणको निर्मलीकरण गरिएको युवा संघका नेता बिबेक भुजेलले बताए ।

” राष्ट्रिय युवा संघ नेपाल जनताको साहरा, कोरोना भाइरस विरुद्ध हामी सबैको नारा ” भन्ने मूलनाराको साथ केराबारी वडा नम्बर ३,५,६,७,८,९ का सम्पूर्ण बजार, भित्र रहेका धेरै जमघट हुने घरहरु, पसल, पाटीपौवा, हार्डवेयर, स्वास्थ्यचौकी, मेडिकलहरु, र केराबारी वडा नम्बर १० को हिमालय टोल बिकास सस्थाको केहि मुख्यमुख्य क्षेत्रहरुमा निर्मलीकरण गरिएको हो।

साथै भोलीबाट अन्य ठाउँ र वडामा सोहि कार्य जारि नै रहने र आम्जुंगी नाकाबाट सम्पूर्ण आवतजावत हुने सवारी साधन लगायत मानिसहरुलाई पनि कडा निगरानीका साथ चेकजाँच गरिएको कुरा पनि नेता भुजेलले हामीलाई जानकारी दिएका छन्। यस अभियानमा स्थानियको पनि साथ र सहयोग मिलेको भुजेलले बताएका छन् ।