इरानले अमेरिकी युद्धपोत जस्तै पोत सागरमा उतार्यो

इरानले अमेरिकी युद्धपोत जस्तै पोत सागरमा उतार्यो

१३ असार २०७७ काठमाडौँ : अमेरिकासँग जारी तनावका बीच इरानले अरब सागर स्थित हरमुज जलसन्धी इलाकामा अमेरिकी विमानवाहक युद्धपोत निमित्जको एक प्रतिकृति उतारेको छ । सोमबार जारी गरेको स्याटलाइट तस्विरमा इरान छिट्टै उक्त नक्कली विमानवाहक युद्धपोतको प्रयोग सैन्य अभ्यासमा गर्न सक्ने संकेत दिएको उल्लेख गरेको छ ।

मेक्सार टेक्नोलोजीको प्रयोग गरी लिइएको ती तस्विरमा इरानका एक तिब्र गतिको नौका विमानवाहक युद्धपोत तर्फ गइरहेको देखिएको छ ।उक्त जहाज पहिले नै इरानी बन्दरगाह शहर बन्दर अब्बासबाट समुद्रमा उतारिएको थियो । इरानको सरकारी सन्चार माध्यम र अधिकारीहरुले हरमुज जलसन्धिमा विमानवाहक युद्धपोतको एक प्रतिकृति उतारिएको कुनै पुष्टि गरेको छैन ।

इरानको अर्धसैनिक रिभोलुसनरी गार्ड सन् २०१५ मा नक्कली युद्धपोत डुबाउन गरिएको सैन्य अभ्यासलाई दोहोर्याउने तयारी गरिरहेको अनुमान गरिएको छ । पश्चिम एसियामा समुद्री मार्गको निरिक्षण गर्ने बहराइन स्थित अमेरिकाको पाँचौ बेडाले पनि यस घटनामा कुनै टिप्पणी गरेको छैन ।

अमेरिकी नौसेनाको बहराइन स्थित पाँचौ बेडा यस इलाकाको गस्ती गर्छ । इरानको यो नक्कली एयरक्राफ्ट क्यारियर अमेरिकाको निमित्ज एयरक्राफ्ट क्यारियरको स्वरुपमा बनाइएको सुत्रले बताएको छ । निमित्ज एयरक्राफ्ट क्यारियर हालै मात्र हिन्द महासागर हुँदै त्यहाँ पुगेको र यसले युएसएस आइजनहावरको स्थान लिने बताइएको खबर आजको समाचार पत्रले प्रकाशन गरेको छ ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ