ला-लिगा: कासेमिरोको निर्णायक गोलमा रियल मड्रिड शीर्ष स्थानमा

ला-लिगा: कासेमिरोको निर्णायक गोलमा रियल मड्रिड शीर्ष स्थानमा

१५ असार २०७७ काठमाडौं : कासेमिरोले पहिलो हाफमा गरेको पहिलो र निर्णायक गोलमा रियल मड्रिडले ला लिगामा स्पायनयोललाई १-० ले पराजित गरेको छ । जितपछि रियल बार्सिलोनालाई २ अंकले पछि पार्दै शीर्ष स्थानमा उक्लिएको छ ।

स्पानयोलको मैदानमा भएको खेलमा कासेमिरोले पहिलो हाफको अन्तिम समयमा गोल गरेका थिए । उनले करिम बेन्जामाको पासमा गोल गरेका हुन् ।

जितपछि ३२ खेलबाट ७१ अंक जोडेको रियल शीर्ष स्थानमा पुगेको छ । समान खेलबाट ६९ अंकसहित बार्सिलोना दोस्रो स्थानमा छ ।

यस्तै ला लिगाकै अन्य खेलमा भ्यालेन्सियालाई २-० ले पराजित गर्दै भियारियाल पाँचौ स्थानमा उक्लेको छ । ३२ खेलबाट भियारियालको ५१ अंक छ । समान खेलबाट ४६ अंक रहेको भ्यालेन्सिया आठौं स्थानमा छ ।

अर्को खेलमा आइबरले ग्रानडालाई २-१ ले पराजित गरेको छ ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ