भारतीय मिडियाहरुको अर्को कर्तुत: ओली र सेनाबीच सम्बन्ध बिग्रिएको समाचार सम्प्रेषण

भारतीय मिडियाहरुको अर्को कर्तुत: ओली र सेनाबीच सम्बन्ध बिग्रिएको समाचार सम्प्रेषण

१६ जेठ २०७७ काठमाडौँ : समाचारको नाममा अफवाहको खेति गर्ने भारतीय सँञ्चार मध्यम प्राय मनोरन्जनात्मक मसलादार समाचार पस्कने रुपमा परिचित छन्। तिनै मिडियाहरुले नेपालमा सरकार र सेनाबीच सम्बन्ध बिग्रिएको बताएका छन्।

नेपाल भारत बिचको सिमा बिबादको बिषय बनाएर नेपालमा सरकार र सेना बीच मनमुटाव भएको तथ्यहिन हल्ला प्रेसित गरेको भारतीय संचार मध्यम प्रति आक्रोश ब्यक्त गर्दै नेपाली सेनाले प्रेस बक्तब्य नै जारि गरेको छ।

यस्तै केही भारतीय मिडियामा आएका समाचारलाई लिएर नेपाली सेनाले आफ्नो गम्भीर ध्यानाकर्षण भएको जनाएको छ । सैनिक मुख्यालयबाट बिहीबार राति जारी गरिएको विज्ञप्तिमा केही भारतीय सञ्चारमाध्यममा आएका समाचार दुई देशका सेनाबीच सम्बन्धमा खलल पुऱ्याउने खालका भएको बताइएको छ ।

‘उक्त भ्रामक समाचार दुई मित्र राष्ट्र तथा विशिष्ट ऐतिहासिक सम्बन्ध भएका दुई सेनाहरुबीचको सम्बन्ध र विश्वासमा नकारात्मक असर पर्‍याउने उद्देश्यबाट प्रेरित देखिन्छ,’ विज्ञप्तिमा उल्लेख गरिएको छ । केही भारतीय मिडियामा भारतका सेनाध्यक्ष एमएम नरवणेले केही समयअघि दिएको वक्तव्यलाई लिएर प्रधानमन्त्री केपी शर्मा ओलीले प्रधानसेनापति पूर्णचन्द्र थापालाई प्रतिक्रिया दिन भनेको तर प्रधानसेनापति थापाले ‘आफूले त्यस विषयमा नबोल्ने’ भनेको समाचार आएका थिए ।

‘राष्ट्रिय एकता थप मजबुत बनाउनुपर्ने वर्तमान परिस्थितिमा नेपालमा विभाजन ल्याउने तथा नेपाली सेनालाई अनावश्यक विवादमा तान्ने कुत्सित मनसायले नेपाली सेनाप्रति लक्षित यस प्रकारको अफवाहहरुमा विश्वास नगर्न आमपाठक तथा स्वाभिमानी नेपाली नागरिकलाई हार्दिक अनुरोध गरिन्छ,’ विज्ञप्तिमार्फत सेनाले भनेको छ ।

यस्तै, सेनाले यस सम्बन्धमा उपप्रधान तथा रक्षामन्त्री (ईश्वर पोखरेल) बाट समेत धारणा सार्वजनिक भइसकेको जानकारी उल्लेख गर्दै नेपाली सेना नेपालको संविधानअनुरुप नेपाल सरकारबाट प्राप्त वैधानिक निर्णय र निर्देशन पालना गर्न सदैव कटिबद्ध रहेको पनि जानकारी विज्ञप्तिमार्फत दिएको छ ।

भारतीय मिडियाहरुको अर्को कर्तुत: ओली र सेनाबीच सम्बन्ध बिग्रिएको समाचार सम्प्रेषण

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ