सुजाता कोइरालाको यस्तो कर्तुत !

सुजाता कोइरालाको यस्तो कर्तुत !

५ चैत २०७६ काठमाडौँ : गिरिजाप्रसाद कोइराला पुत्री तथा नेपाली कांग्रेस नेत्री सुजाता कोइरालाले आफू परराष्ट्रमन्त्री रहेका बेला विदेशी नागरिक छोरीलाई पदीय दुरुपयोग गरी गैरआवासीय नेपालीको परिचय उपलब्ध गराएको प्रमाण फेला परेको छ ।

सुजाताद्वारा जर्मन नागरिकता भएकी र बंगलादेशी नागरिक रुबेल चौधरीसँग वैवाहिक सम्बन्धमा रहेकी छोरी मेलानी रोशा जोस्टलाई परराष्ट्र मन्त्रालयको तर्फबाट गैरआवासीय नेपालीको परिचयपत्र उपलब्ध गराइएको हो । सन् २०१० को फेब्रुअरी ८ देखि सन् २०२० को फेब्रुअरी ७ तारेखसम्म दश वर्षको मान्यता रहने गरी मेलानीलाई सुजाताले आफू परराष्ट्रमन्त्री हुँदा उक्त परिचयपत्र बनाइदिएकी हुन् ।

जर्मन नागरिकसँग विवाह गरेर जर्मनीमै जन्मिएका छोराछोरीलाई सुजाताले उतै हुर्काएकी थिइन् । आफ्ना पिता गिरिजाप्रसाद कोइराला प्रधानमन्त्री बनेपछि रातारात नेपाल फर्किएकी सुजाताले आफ्नो ‘बन्दोबस्ती’ भइसकेपछि छोराछोरीलाई पनि नेपाल ल्याएकी हुन् । तर, उनले छोरा आन्द्रेस र छोरी मेलानीलाई नेपाली नागरिकता दिलाएको जानकारी हुन सकेको छैन ।

यो पनि पढ्नुहोस:-  एउटै जहाजमा नेपाल आएका ३ जनामा कोरोना भेटियो

छोराको विवाह पोखराकी एक प्रतिष्ठित कन्यासँग गराएर अंशबन्डा गरी उनलाई विराटनगरको पाँच बिघा जमिन दिइएको छ । हाल बुढानिलकण्ठमा एक घर खरिद गरी बसेका छोरा आन्द्रेसको आमा सुजातासँग राम्रो सम्बन्ध नभए पनि उनले सुष्मा कोइराला मेमोरिएल ट्रस्टको व्यवस्थापन हेर्दै आएका छन् । बंगलादेशी बनेकी मेलानीका पति रुबेल चौधरी नेपालमा ‘मोस्ट वान्टेड’ को सूचीमा छन् ।

चौधरीमाथि ‘कल बाइपास’ धन्दा सञ्चालन गरी नेपाललाई करोडौं रुपैयाँ क्षति पुर्याछएको आरोप छ । रुबेल र मेलानी अहिले बेलायत बस्ने गर्दछन् र सुजाताले पनि नेपाल छोडेर छोरीज्वाइँसँगै बेलायत बसोबास गर्ने योजना बनाइरहेकी छन् । घटना र विचार साप्ताहिकबाट

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ