भाटभटेनीले नक्कली भ्याट बिल प्रयोग गरेर देशलाई लुटेको ठहर

भाटभटेनीले नक्कली भ्याट बिल प्रयोग गरेर देशलाई लुटेको ठहर

२८ पुस २०७६ काठमाडौँ : सर्वोच्च अदालतले प्रतिष्ठित भाटभटेनी सुपरमार्केट लगायतका कम्पनीले नक्कली भ्याट बिल प्रयोग गरी राजस्व छलेर देशलाई आर्थिक नोक्सानी पुर्याएको ठहर गरेको छ ।

नक्कली भ्याट बिल प्रयोग प्रकरणमा राजस्व छलेको अभियोगमा विचाराधीन पाँच कम्पनीको मुद्दामा सर्वोच्चले सोमबार यस्तो आदेश गरेको हो ।

समान प्रकृतिका अन्य केही मुद्दा समेत सर्वोच्चमा विचाराधीन छन् । प्रधानन्यायाधीश चोलेन्द्र शमशेर जबरा र न्यायाधीश प्रकाशकुमार ढुङ्गानाको संयुक्त इजलासले कम्पनीको दाबी अस्वीकृत गर्दै भ्याट छलीमा दोषी ठहर गरेको हो ।

इजलासले शंकर अक्सिजन ग्यास प्रालि, अरुण इन्टरकन्टिनेन्टल ट्रेडर्स, एआइटी प्रालि, भाटभटेनी सुपरमार्केट प्रालि र बीएस बानियाँ स्टोरले नक्कली बिल प्रयोग गरी राजस्व छली गरेको ठहर गरेको हो । सर्वोच्चले राजस्व न्यायाधीकरणको आदेश सदसर गर्दै कम्पनीहरुलाई दोषी ठहर गरेको हो । सर्वोच्च अदालतका प्रवक्ता भद्रकाली पोखरेलले इजलासले न्यायाधीकरणको फैसला सदर गरेको जानकारी दिनुभयो । पोखरेलले भन्नुभयो, ‘न्यायाधीकरणकै आदेश सदर भएको हो । तर, कुन कम्पनीको कति दायित्व लगायतका विषय फैसला सार्वजनिक भएपछि मात्र यकिन हुन्छ ।’ सर्वोच्चले फैसलाको सांरश तथा पूर्णपाठ दुबै सार्वजनिक गरेको छैन ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ