साउनको पहिलो सोमबार,बिहानैदेखि पशुपतिमा भिड

साउनको पहिलो सोमबार,बिहानैदेखि पशुपतिमा भिडकपशुपतिको मूल ढुकुटीमा के छ ?हाँ हरायो पशुपतिनाथ मन्दिरको २३२ रोपनी जग्गा ? पशुपतिनाथ मन्दिरकाे २३१ राेपनी जग्गा नै गायब

साउनको पहिलो सोमबार,बिहानैदेखि पशुपतिमा भिड

६ साउन २०७६ : आज साउनको पहिलो पहिलो सोमबार । आज पशुपतिनाथको मन्दिरमा बिहानैदेखि भक्तजनको भीड लागेको छ ।

भगवान् शिवको प्रिय महिना साउन र प्रिय बार सोमबार मानिन्छ । यस दिनमा शिवलाई मनपर्ने बेलपत्र, जल, पञ्चामृतद्वारा पूजाअर्चना गरिन्छ ।

मुलुकभरका शिवालयमा साउन ६ गते पहिलो सोमबार परेको छ । यो महिना र दिन शिवको स्तुति मानव तथा चराचर जगत्का लागि निकै कल्याणकारी रहन्छ भन्ने शास्त्रीय मान्यता रहिआएको छ ।

आराध्यदेव पशुपतिनाथ, महोत्तरीको जलेश्वर, दोलखाको भीमेश्वर, पर्साको पारसनाथ, पनौतीको भालेश्वर, डडेल्धुराको भाग्येश्वर, सप्तरीको भजनेश्वर, कैलालीको बेडाबाबा र रुपन्देहीको मनौरी महादेवलगायतका शिवालयमा साउन महिनाभर नै महादेवको विशेष उपासना गर्न श्रद्धाजुहरूको ठूलो भीड लाग्छ ।

साउने सोमबारका दिन सबैभन्दा बढी श्रद्धालु आउने पशुपतिनाथमा नै हो । यो दिनका लागि विशेष तयारी गरेको पशुपति विकास कोषले जनाएको छ । कोषका अनुसार सोमबार बिहान ३ः३० मा नै दर्शनार्थीका लागि मन्दिरको ढोका खुला गरिने भएको छ ।

पशुपति क्षेत्र विकास कोषका कार्यकारी निर्देशक रमेश उप्रेतीका अनुसार भक्तजनको सुरक्षाका लागि पर्याप्त सुरक्षाकर्मीको व्यवस्था गरिएको छ ।

रुद्रगाडेश्वर वासुकीतर्फ, भुवनेश्वरी भएर दक्षिणढोकातर्फ र पूर्वी ढोकाबाट भक्तजनले मन्दिर प्रवेश गर्न सक्ने व्यवस्था गरिएको पशुपतिनाथका कोटवाल पूर्णनारायण जोशीले जानकारी दिनुभयो ।

भक्तजनलाई चन्दन तथा पञ्चामृतसमेत प्रदान गर्ने व्यवस्था योपल्ट गरिएको छ । बोलबम तीर्थयात्रीको आगमन भने साउन महिनाको अन्तिम दुई सोमबारका लागि तय भएको छ ।

ओम बोलबम काँवरिया सङ्घका अध्यक्ष सुनिल ठाकुर (बारा)का अनुसार उडिसास्थित वैद्यनाथ धामबाट योपल्ट धेरै बोलबम यात्री यहाँ आउँदैछन् ।

बोलबम यात्रा व्यवस्थापनका लागि उपत्यकामा रहेका यात्रा आयोजक संस्थाबीच विमर्श भइरहेको छ । ललितपुरको सुनाकोठीस्थित भृङ्गारेश्वर महादेवमा पहिलो सोमबार नै बोलबम यात्रीको प्रवेश हुँदै छ ।
सिद्धरस तीर्थको जललाई कलशमा ल्याएर यहाँ यो यात्रा हुने गरेको छ ।

भृङ्गारेश्वर महादेव क्षेत्र सुधार समितिका अध्यक्ष रामचन्द्र महर्जनका अनुसार सुनाकोठीका सबै यो यात्रामा सहभागी हुँदै छन् ।

सोसियल मिडियामा सेयर गर्नुहोस !

Leave a Reply

Your email address will not be published. Required fields are marked *

Loading...