पूर्व राजा ज्ञानेन्द्रलाई जनकपुरमा भव्य स्वागत

पूर्व राजा ज्ञानेन्द्रलाई जनकपुरमा भव्य स्वागत

३० फागुन २०७५ जनकपुर : तराई मधेश भ्रमणका लागि पूर्व राजा ज्ञानेन्द्र शाह जनकपुरधाम पुगेका छन् । भ्रमणका लागि जनकपुर पुग्दा पूर्व राजालाई जनकपुरधाममा भव्य स्वागत गरिएको छ । होटेल सीताशरणको अगाडी सयौ संख्यामा रहेका समर्थकहरुले राजा आउ देश बचाउको नारा लगाएका थिए ।

पूर्व राजाको स्वागत गर्न नेपाली कांग्रेस र मधेशवादी दलका केही नेताहरुपनि पुगेका थिए । कांग्रेस नेता रामाननद चौधरी ललनने कांग्रेसको एउटा ठूलो राजा सहितको प्रजातन्त्र चाहेको बताए ।

पूर्व राजा आज सर्लाहीको मलंगवामा रहेको दुर्गा मन्दिरमा पूजा अर्चना गर्ने कार्यक्रम रहेको छ । चैत १ गते पूर्व राजा ज्ञानेन्द्र शाहले जानकी मन्दिरमा पूजापाठ गर्नेछन भने चैत २ गते उदयपुरको गाइघाटमा राधाकृष्ण मन्दिरमा पूजापाठ गर्ने कार्यक्रम रहेको छ ।

चैत ३ गते सप्तरीको सखडा भगवतीको दर्शन गरी झापा पुग्ने कार्यक्रम रहेको छ । यो धार्मिक भ्रमणको क्रममा तीनराती जनकपुरधाम नै बस्नु हुने छ । जनकपुरधामको सीताशरण होटेलमा पूर्व राजाको बस्ने व्यवस्था गरिएको छ ।।

Leave a Reply

Your email address will not be published. Required fields are marked *