इन्द्रजात्रा अवलोकन गर्न १६ मेयरसहित ४८ विदेशी पाहुना आउँदै

आज इन्द्रजात्रा मनाइँदै, उपत्यकामा सार्वजनिक बिदा इन्द्रजात्रा अवलोकन गर्न १६ मेयरसहित ४८ विदेशी पाहुना आउँदैपत्रपत्रिका: इन्द्रजात्रामा ४० देशका प्रतिनिधिलाई निम्ता

इन्द्रजात्रा अवलोकन गर्न १६ मेयरसहित ४८ विदेशी पाहुना आउँदै

२५ भाद्र २०७६ : इन्द्रजात्रा अवलोकन गर्न १६ मेयरसहित ४८ विदेशी पाहुना नेपाल आउने भएका छन् ।पर्यटन वर्ष २०२०’को प्रचारप्रसारको उद्देश्यले काठमाडौँ महानगरपालिकाले इन्द्रजात्रा पर्वका अवसरमा विदेशी पाहुनालाई आमन्त्रण गरेको हो । महानगरपालिकाद्वारा बुधबार राजधानीमा आयोजित कार्यक्रममा चीन, भारत, बङ्गलादेश, भुटान र जापानका महानगरपालिकासँग भगिनी सम्बन्ध भएका १६ सहर प्रमुखसहित ४८ जना पाहुना आउने निश्चित भएको जानकारी गराइएको छ ।
काठमाडौँ महानगरपालिका प्रमुख विद्यासुन्दर शाक्यले नेपालमा पर्यटक भिœयाउन यहाँको मूर्त–अमूर्त सांस्कृतिक सम्पदा विशेष आकर्षण हुने विश्वाससहित राष्ट्रिय पर्वको मान्यता पाएको इन्द्रजात्रा अवलोकनका लागि विदेशी सहरका प्रमुखलगायतलाई निम्ता दिएकोमा ४८ जना आउने निश्चित भएको बताउनुभयो । महानगरपालिकाले नेपाल भ्रमण वर्ष प्रवद्र्धनको उद्देश्यसहित पहिलो पटक
विदेशी पाहुनालाई इन्द्रजात्रा अवलोकनका लागि निमन्त्रणा गरेको हो ।

प्रमुख शाक्यले कुमारी, गणेश, भैरवलाई रथमा राखी सहर परिक्रमा गराउने, लाखेनाच, पुुलुकिसि, दीप्याखँ, महाकाली नाच, श्रीहरिचोक आकाश भैरव नाचलगायत अन्य थुप्रै सांस्कृतिक र धार्मिक परम्परा प्रस्तुत गरिने इन्द्रजात्रा विश्वमा अन्यत्र कतै पनि मनाइँदैन । “उपत्यकामा संरक्षित साताव्यापी रूपमा मनाइने र राष्ट्रप्रमुखसहित उपस्थिति हुने यस पर्वमा सहभागी हुने पाहुनाले पक्कै पनि नौलो अनुभव गर्नेछन्”, उहाँले भन्नुभयो ।

इन्द्रजात्रामा सहभागी पाहुनालाई विश्व सम्पदा सूचीमा सूचीकृत स्वयम्भू महाचैत्य, स्वयम्भूमै रहेको प्राकृतिक सङ्ग्रहालय, भक्तपुर दरबार क्षेत्र, पाटन दरबार क्षेत्र, चन्द्रागिरिलगायत महŒवपूर्ण स्थानको भ्रमण गराइने छ । नगरवासीको सभ्यता झल्काउने पर्व सभ्य र भव्यताका साथ मनाउन महानगरपालिका, इन्द्रजात्रा व्यवस्थापन समितिले हार्दिक अपिल गरेको छ ।

वसन्तपुरस्थित कुमारीघरको वार्षिक पूजा र शान्तिस्वस्ति कार्य गरेर मङ्गलबारबाट इन्द्रजात्रा सुरु भएको छ ।
महानगरपालिकाको आमन्त्रणमा आउने विदेशी पाहुनामा चीनको स्वशासित क्षेत्र ल्हासा नगरका मेयर गउ गउ, भारतको नर्थ दिल्ली नगरपालिकाका सरदार अवतार सिंह तथा इस्ट दिल्ली नगरपालिकाका मेयर अञ्जुकमल कान्त, भुटानको थिम्पु नगरका किन्ले दोर्जे र बङ्गलादेशको ढाका साउथ सिटी कर्पोरेसनका मोहम्मद सैयद खोकन हुनुहुन्छ ।

त्यसैगरी काठमाडौँ महानगरपालिकासँग भगिनी सम्बन्ध कायम भएका जापानका सिटिनेट ओक्लोहामा, वल्र्ड टुरिजम सेन्टर लगायतबाट इन्दजात्रा अवलोकनका लागि बिहीबार प्रतिनिधि नेपाल आइपुग्ने महानगरपालिकाले जानकारी गराएको हो ।

पर्यटन वर्षकै प्रवद्र्धनको सन्दर्भमा महानगरपालिकाभित्रका खाली चोक, गल्लीलाई उपयुक्त सुहाउँदो भित्तेचित्र, मूर्ति र ग्यालरीले सजाउने योजना बनाइएको छ । त्यसका लागि नेपाल ललितकला प्रज्ञाप्रतिष्ठानका कुलपति कान्छाकुमार कर्माचार्यको संयोजकत्वमा सात सदस्यीय समिति गठन गरिएको छ । महानगरपालिका सांस्कृतिक सहर पनि हो । पर्यटन वर्षमा नेपालमा आउने पर्यटकले यहाँका चोक गल्लीमा भेटिने÷देखिने मूर्ति भित्तेचित्र, ग्यालरी हेरेर यहाँको संस्कार, संस्कृति अवलोकन गर्न सकून् भन्ने भन्ने उद्देश्य राखिएको छ ।

सोसियल मिडियामा सेयर गर्नुहोस !

Leave a Reply

Your email address will not be published. Required fields are marked *

Loading...