आज देखि स्वस्थानी व्रत प्रारम्भ,शाली नदीमा मेला

आज देखि स्वस्थानी व्रत प्रारम्भ,शाली नदीमा मेला

२५ पौष २०७६ काठमाडौँ: प्रत्येक वर्ष झैँ आज देखि स्वस्थानी व्रत प्रारम्भ हुँदै छ ।श्री स्वस्थानी व्रत नेपालि महिलाहरूले गर्ने कठीन व्रतको पर्व हो । यो पर्व पुष शुक्ल पूर्णिमादेखि माघ शुक्ल पूर्णिमा सम्म एक महिना चल्दछ ।

यो व्रतमा भगवान शिवको पूजा आराधना गरिन्छ । सत्य युगमा भगवान विष्णुको सल्लाह अनुसार हिमालयकी पुत्री पार्वतीले महादेव पति पाउन श्री स्वस्थानी व्रत बसेको र चिताएको पुरा भएको विश्वासमा श्री स्वस्थानी व्रतकथा र माघ स्नानको प्रचलन रहेको विश्वास गरिन्छ ।

विशेष गरि महिलाहरू मात्र व्रतालु हुने यो व्रत बस्नाले ब्रताकथामा बर्णन गरिए जस्तै सुख, शान्ति, समृद्धि मिल्नुका साथै रोगब्याध पनि नष्ट हुने विश्वास गरिन्छ । व्रतका प्रभावले शिव पार्वतीको विवाह भएको कुरा पौराणिक धर्म ग्रन्थहरुमा पनि चर्चा भएका कारण परम्परागत रुपमा उक्त व्रतकथा प्रचलित हुँदै आएको भनाइ छ ।

आज देखि शाली नदीमा मेला सुरु हुँदै छ । १ महिना सम्म चल्ने मेलाको लागि यातायात, सुरक्षा र स्वास्थ्यलगायतका विषयमा सम्पूर्ण तयारी पूरा भइसकेको मेला आयोजक समितिले जानकारी दिएको छ ।

Leave a Reply

Your email address will not be published. Required fields are marked *